Whatsoever resemblance to any living or whosoever dead is INTENSE-NULL

Thursday, December 16, 2010

Ek anokhi daastaan

..................................................................................................................................................................................................................
APPEAL: This is my maiden attempt in Hinglish. Go through it carefully and yes, your valuable feedback will be highly appreciated.    
..................................................................................................................................................................................................................

Ravi us din mayus tha. Uska apni girlfriend se break up huye poora ek saal ho gaya tha. Kaam mei uska mann bilkul bhi nahi lag raha tha aur purane dino ki yaadein use aur bhi sata rahi thi. Isliye wo usi beach pe chala gaya jahan uski mulaqat Neha se pehli baar hui thi.


Shaam hone ko aayi thi. Samudra ki lehron ka anand lootne dher saare tourists aaye the. Aasmaan mei halki laalima chhayee hui thi. Hawaon mei jhumte huye taar ke ped, maano ek doosre ko apni khushi ka izhaar kar rahe the. Charo or harsh aur ullas ka mahaul tha. Ye dekh Ravi ka mann bhi thoda halka ho raha tha aur tabhi dur baithi ek ladki se uski aankhein chaar hui. Uske hothhon pe muskurat dekh Ravi bhi reh naa paya aur uski or kheecha chala gaya.

Mrignayan, kaano mei jhumke aur lambe baalon mei us ladki ki khubsurati dekhte hi ban rahi thi. Ravi ki khushi ka thhikaana nahi tha. Use dekh uski saari thakaan dur ho gayi aur use laga jaise ki uska akelapan shayad fir se dur ho jayega.

Us ladki ne Ravi ko paas baithne ka isaara kiya.

"Hi, I am Ravi. Ravi Singh.....bole to King. Waise, ek baat kahu…..you are very beautiful. Aur tumhari ye jo aankhein hain, unme doob jaane ko jee chahta hai. Waise, tum yehi ki rehne waali ho kya? Mera ghar Dhanbad padta hai. Suna to hoga tumne. By the way, let me tell you ki ek saal pehle aaj hi ke din mera apni girlfriend se break up hua tha. I hope you don’t mind. "

Us ladki ki naa (sar hilakar) mei Ravi ki haan thi. Ye dekh Ravi aur bhi prasann ho uthha. "Maine NIT Jamshedpur se Mechanical Engineering ki hai aur abhi mai Telcon mei kaam karta hoon. 2 mahino ki yaha training hai isliye aaya hoon. Waise, tum kuchh bol kyu nahi rahi. Kuchh to bolo? Tumhari koyal jaisi aawaaz sunne ke liye mai tab se betaab hoon. "


Ladki sharmaayi, palke jhuka kar thoda muskurayee aur gili ret pe likha, "Muh mei gutkha hai. "

6 comments:

  1. ekdumein mast likhle baadu ...waise idea suna/dekha/padha hua lag raha hai.... n i will claim no prize to guess the character "Ravi " ...though I would really like to know this "Neha" :P

    ReplyDelete
  2. ROFL!! I'm literally laughing!! Gutkha hai!!

    ReplyDelete
  3. @nits...It is not Neha actually. Name withheld upon request.

    Idea suna hua hoga, I do not doubt. But its peeled n pickled here.

    ReplyDelete
  4. awesome dude.. d last line "muh me gutkha hai"

    ha ha ha ha

    ReplyDelete